Uman, Moato Kaw Sa Grade 5?

filipino

Kon nakadumdom kamo, an ato asaynment mahitungod sa pangatnig (bagan nahimo na ini na virtual classroom na ya raba gajuy nagpa-enroll pa. “Hmm, dajawa lamang Mr. Mozol inin imo pag-maestro-maestro,” kon si Maam Noemi Mondano pa an pasultihon). An tinuod class, hamok na gadjud an ako tanhikalimtan sa Filipino Subject. Ugsa man, kon mo-intra ako sa Kakasa Ka Ba Sa Grade 5, ini na subject siguro an magduhoy sa ako nan kalabasa. Na kay kon motan-aw ako nan ini na game show kada Sabado kay bagan aja man ako mag-review nan Filipino. Nahikatawa ako isa ka beses kay an jati na Janno, tag-unahan ako nan ato asaynment. An ija pangutana bahin sa pangatnig. Adto na, taghungit na gadjud an answer. Gusto ako motaas nan ako alima pero nagpanagana sab kay dili ako kon sure sa ako answer. Sanan isa pa, bagan tala kintahay ako na masintaas nan alima.

Balitaw, sa ijo tan-aw, makasisipog ba ini na mas hibayo pa kita kon uno an definite and indefinite articles kaysa sa iba’t-ibang uri ng pantukoy? An ako duda no, dili ra kita mga Bisaya an bagan way panhimangkaagan sa Filipino Grammar, pati siguro mga Tagalog. Sin-o may basulon na kon may English teachers, may Filipino teachers man sab. Parehas ra an sweldo. Parehas may mga loans. Parehas an uniform. Inday lamang kon parehas maligo kada adlaw? Di, patas ra. An problema sa ako tan-aw, kay waya may ato mabasahan mahitungod sa panghalip o pang-abay sa Inquirer o bin Bulgar. Sa una, uso an komiks sama pananglit nan Wakasan sanan Happy pero molaong baja an manunuyat: “at doon siya nagbigti (pandiwa)”? Di ra ba gadjud. An Liwayway buhi pa pero sin-o pa may sinbasa para mahibayo pa gadjud unoy pangngalang pambalana? I-load rakan sa cell an ipalit nan Liwayway. Na kuman kay mas libog na man hinoon kay aja man isagol-sagol: “Wer u na? Dito na me.” (An kinuga, wrong spelling pa man gani badja an “dito”. Correct spelling daw is d2. Na hala, kon amoy ijo ikalipay.)

Filipino Teacher 1: Unoy lamang kapasingdan nan ato tagtudlo?
Filipino Teacher 2: Umay dako sab. Total magdawat ra man ako nan sweldo.
1 & 2: Ah, mag-loan kita, maradjaw pa (grabe, dungan man gadjud).

Ya pa kita maghisgot nan “chorva” grammar ho. Na-nay, unoy lamang kaugmaon ni pangatnig? Write a 200-word essay, mga chuvachiens!

____________

Photo credit: mjecker

4 thoughts on “Uman, Moato Kaw Sa Grade 5?

  1. ‘Yung sanaysay na may 200 salita ay kailangang gumamit ng pangatnig, pantukoy, panghalip, pang-abay, pandiwa, at pangngalang pambalana hehehe

    I enjoyed reading this post even if I couldn’t understand some words. But my Waray came in handy to help me understand the context 😉

  2. Hi N, natuhog mo yung gist ng post. Hindi ko masyado kabisado ang Waray kaya hindi ko rin ma-imagine paano mo hinimay-himay itong lengguwahe namin. May mga Waray bloggers ba dyan who write pure Waray?

  3. naintindihan ko nang konti. if you think about it, an bikol san sorsogon parehas lang nang waray, bisaya, hiligaynon and really makes you think na iisa lang tayo.

    makes me think hmmm… bikol entry hahaha

    Welkam back, Reynz. mi nababasa ako minsan sa blog mo na bisaya, bunga ng pagtatapon sa yo sa megaprobinsya. oo, iisa lang dugo natin pilipino. tong Bisaya section sa blog ko, inspired also by my kababayan (a UN Advisor) who blogs for our town, d issues and potentials for rural development. how about blogging for rural development of your barrio siete?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s