San Nicolas Academy of Mainit: Alma Mater

sna1

Dili marmol. Dili sab kon carpeted an corridors. Wayay kaugalingon gym, way aircon na audio-visual room. Hangtud kuman, waya kapintali na kahoy ra gihapon an nagtindog sa tunga nan lungsod. Bisan an ngayan, nag-anam na kaukang an pintal. Kon kusog an uyan, mabasa gamay an sayog. Kon maglunop an danaw, makakita kaw nan hinayhay nan mga namakwit. Unoy ikapasigarbo? Daku-dako na ground, suod sa simbahan sanan grotto nan Mahal na Birhen. Kasagaran sa estudyante, bagtason ra (mas gana magbagtas sa una kon iban an crush). Sa ato pa, menos an polusyon na nahiambag sa global warming. Dimodo kay gamay ra an populasyon, magkilay-anay gadjud gikan sa First Year hangtud Fourth Year.

Kay regular iskedyul man an pag-rosaryo, an iban an tinuod aja ra kapugos mag-ampo. Kay waya may school guard, dali ra sab an pagsibat. Kay suod ra sab sa tiyangge, kon tabo didto maghagudhod. Dimodo kay Katoliko na eskuylahan, dili mawaya an retreat sanan recollection, sanan an tinuwaway. Pagkahuman, bugoy ra man gihapon pwera ra lamang sa mga nilugdang gadjud an pamalandong ni Brother.

Kahayag sa kayag pero kon maduyom, kay ya may suga (jaon na siguro kuman), an ganahan magpadugyom, jadto ubos sa landong sa mga bitoon – naghinunghungay, nag-ginitikay. Amo ini an eskuylahan na ako tag-gradwitan, lakip na an mga kabuang. Kahoy na eskuylahan, puthaw na panglantaw. Ako isa ka alumnus, ya pay nahimo gawas sa pagtudlo kaniadto. Naningkamot ra lamang na magbinut-an. Hibayo ako, an iban didjo, sige taya nan lotto – ma UP graduate man o MSU. An iban sab, jadto, sige pala nan snow nan ila grahe sa laing nasud. Amo man lamang, may kwarta o waya, engineer o fulltime nanay, blogger o labasera, molingi man gadjud sa SNA na may pahiyom sanan pasalamat, bisan hamok na utang na papel an waya pa intawon kabayari.

Wayay nay kasipugay. Nakahuman o waya, gunit lamang sa mga pangandoy daya paninguha. Kondili, ipasa iton sa sunod na henerasyon. Kon nahisukamod kaw, hala, bangon. Sa mga SNA Graduates of 2009 – CONGRATS! Bugsay sa danaw nan idjo pangandoy. Kon kapujon, taghoy-taghoy lamang panagsa. Pagawas nidjo sa kahoy na eskuylahan – bato, puthaw, aluminum, marmol, carpet an idjo gid-an, hawiran, ingkuran. Dream big. God is big. More noble if you can dream for God. Pero ladjo-ladjo na ini na biyahe sanan way tayaay sa lotto. Pakapin ra lamang – hinaut na an seremonyas dili sa simbahan parehas sa amo sa una kay an simbahan, para man intawon sa tanan maninimba. Amo ra. Happy Graduation, SNA!

__________________

Photo credit: Lumon Zimm nan Pidjanga Blogspot

13 thoughts on “San Nicolas Academy of Mainit: Alma Mater

  1. di ko sya binasa dahil di ko maintindihan ang mga sinasabi mo dito..di ko alam kung bisaya ba o ilongo ito..pero ang masasabi ko lang sayo, iisa ang pangalan ng ating eskwelahan, SAN NICOLAS ACADEMY rin ako pumasok di nga lang dyan sa inyo..

  2. Tnuod jud diay sa surigao ang ‘l’ mahimong ‘y’? kung makasabot ra sila ug bisaya, makasabot unta sila na nindot ang mensahe sa imong entry ^_^ God bless Dfish!

  3. Hahaha. Na-decode ra gyud nimo Miel. That’s one great tip to learning Surigaonon language. Nindot ba? Wala may violent reactions pa so far. God bless teacher…

  4. hi, im really proud of being a nicolanian!!!!!!!!!!!!!! hi to all teachers, specially to maam edna, sir lito, sir junie my brother, maam aring, maam cagadas
    and to all the students!!!!!!!!!!

  5. Hi,

    Gamay na eskwelahan pero daku an panlantaw. Salamat sa mga nagsuporta sanan sa mga mosuporta pa nan Christian Education.

    Kon hain ako kuman sanan kon sin o ako kuman, dako an tabang nan SNA sa ako pagkatawo. Salamat sa mga mentors namo. God bless! Shine Christian Education, Shine San Nicolas Academy!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s